စာနယ်ဇင်း ရှင်းလင်းချက်

2nd MYANMAR BARTENDER CHAMPIONSHIP 2015 ပြိုင်ပွဲကြီးကိုရန်ကုန်မြို့အင်းယားလိတ်ဟိုတယ် ဝင်းအတွင်းရှိ DJ Bar တွင် 2015 ခုနှစ် ဇူလိုင်လ (၂၈)ရက် ၊(၂၉)ရက်နှင့်(၃၀)ရက်နေ့များတွင် ကျင်းပပြုလုပ်မည် ဖြစ်သည်။အဆိုပါပြိုင်ပွဲသည် မြန်မာနိုင်ငံတစ်နိုင်ငံလုံးအတိုင်းအတာဖြင့် ဒုတိယအကြိမ်ကျင်းပပြုလုပ်ခြင်းဖြစ်ပြီး ကြီးကျယ်ခမ်းနားမှုအရှိဆုံးနှင့် ဟိုတယ်များ ၊ Bar များမှ ကျွမ်းကျင်ပညာရှင်များပါဝင်ယှဉ်ပြိုင်မှုအများဆုံး ပွဲကြီးတစ်ခု လည်းဖြစ်ပါသည်။ ဤပွဲကို မြန်မာနိုင်ငံစားသောက်ဆိုင်လုပ်ငန်းရှင်များအသင်းနှင့် မြန်မာနိုင်ငံအဖျော်ယမကာကျွမ်း ကျင်ဖျော်စပ်သူများအသင်း( MBA) တို့မှပူးပေါင်းတာဝန်ယူကျင်းပခြင်းဖြစ်သည်။ Main Sponsors အဖြစ် Johnnie Walker မှအဓိကကူညီပံ့ပိုးပေးပါသည်။

ဤပွဲကို ဒုတိယအကြိမ်မြောက် ကျင်းပပြုလုပ်ခြင်းဖြစ်ပြီး 2014 ခုနှစ် ဇွန်လ (၃)ရက် ၊(၄) ရက်တွင် ပထမ အကြိမ် အောင်မြင်စွာကျင်းပပြုလုပ်နိုင်ခဲ့ပြီး ကိုကျော်ဇင်ထွန်း (Champion) ၊ မပြုံးသော်တာဖုန်း (1st Runner Up)၊ကိုဖြိုးညီညီအောင်(2ndRunner Up)တို့မှအသီးသီးဆွတ်ခူးရရှိခဲ့ပြီး မြန်မာနိုင်ငံ၏Bartender များ၏ အခမ်းကဏ္ဍကို အောင်မြင်စွာဖွင့်လှစ်နိုင်ခဲ့ပါသည်။ အဆိုပါဆုရရှိသူများကို 11th AHRA / ASEAN Bartender Championship 2014 ပြိုင်ပွဲတွင်ဝင်ရောက်ယှဉ်ပြိုင်စေခဲ့ရာ(Champion)အဖြစ်ကိုကျော်ဇင်ထွန်းနှင့်(2ndRunnerUp)အဖြစ် ကိုဖြိုးညီညီအောင်တို့မှ အသီးသီးဆွတ်ခူးရရှိခဲ့ပြီး မြန်မာနိုင်ငံ၏ ဂုဏ်ကိုမြှင့်တင်နိုင်ခဲ့ပါသည်။

ယခုနှစ်ကျင်းပပြုလုပ်သော 2nd MYANMAR BARTENDER CHAMPIONSHIP 2015 ပြိုင်ပွဲတွင်လည်း ပထမ ၊ ဒုတိယ ၊ တတိယ ရရှိသူများကို 24th Asia Pacific Bartender of the Year Cocktail Competition 2015 ပြိုင်ပွဲ နှင့်ASEAN Bartender Championship 2015 ပြိုင်ပွဲများသို့ မြန်မာနိုင်ငံကိုယ်စားပြု ဝ ရောက်ယှဉ်ပြိုင် စေမည်ဖြစ်သည်။ ယခုပြိုင်ပွဲတွင်ဆုရရှိသူများအား ငွေသားဆုအဖြစ် Champion (USD 1000 ) ၊1st Runner Up (USD 500) ၊ 2nd Runner Up (USD 300)၊Best Performance of Flair Award (USD 300) ၊ Creativity Award (USD 300) တို့ချီးမြှင့်မည် ဖြစ်ပါသည်။

ထိုကဲ့သို့ ပြိုင်ပွဲများကျင်းပပြုလုပ်ရခြင်း၏ ရည်ရွယ်ချက်မှာ မြန်မာနိုင်ငံ ခရီးသွားလုပ်ငန်းဖွံ့ဖြိုးတိုးတက် လာစေရန်၊မြန်မာ Bartender များ၏ အရည်အသွေးများပိုမိုတိုးတက်လာစေရန်၊ မြန်မာနိုင်ငံအတွင်းရှိ ဟိုတယ်များ ၊ ဘားများ၊ စားသောက်ဆိုင်များ၏ အဖျော်ယမကာအဆင့်အတန်းများ ပိုမိုမြင့်မားလာစေရန် နှင့်နိုင်ငံတကာအဆင့် Bartender များထွက်လာစေခြင်းဖြင့် မြန်မာနိုင်ငံ၏ ဟိုတယ်နှင့်ခရီးသွားလုပ်ငန်းပိုမို တိုးတက်လာရေးအတွက်တစ်ဖက် တစ်လမ်းမှပံပိုးကူညီဆောင်ရွက်သွားရန်တို့ ဖြစ်ပါသည်။

ဆက်သွယ်မေးမြန်းရန်
ပြိုင်ပွဲကျင်းပရေးကော်မတီ

ဦးရဲဝင်းထွန်း(ခ)ဦးပြုံးချို
မြန်မာနိုင်ငံစားသောက်ဆိုင်လုပ်ငန်းရှင်များအသင်း